et homologation d'un nouveau texte de statuts en quarante-deux articles. Juin de l'an de grâce 1381.
Karolus, Dei gracia francorum rex ...
Par vertu desquelles lettres dessus transcriptes [en tête de ces statuts
se trouve le vidimus d'une série de lettres royales datées de
1152, 1182, 1213, 1282 et 1358], les diz bouchiers, si comme ilz dient,
ont usé paisiblement par si long temps qu'il n'est mémoire de
homme au contraire, par la manière qui ensuit et qu'il est contenu en
leurs anciens cartulaires faiz sur ce et approuvez de grant antiquité
par ceulz du mestier.
l. Premièrenient, touteffoiz que leur chief ou maistre de leur mestier est alez de vie a trespassement, toute la juridicion, les drois, les emolumens qui a lui appartenoient, tant comme il vivoit, pour raison de la dicte maistrie, sont et demeurent aus quatre jurez, et les pevent les diz quatre jurés démener et faire le prouffit du commun, et leur est ledit commun tenu de obéir en toutes choses tout aussi comme il feissent audit ministre, se il fust en vie, et punir les désobéissions et rebelles, et convertir les aamendes et tourner ou prouffit commun, touteffoiz que le cas si offre.
2. Item, touteffoiz que le cas advient que le maistre desdiz bouchiers est alé de vie a trespassement, les jurez et le commun de ladicte boucherie se doivent assembler dedens un mois, a compter du trespassement du dit maistre, et tuit li autre a qui appartient l'eslection a faire dudit maistre, et que l'en a acoustumé d'appeller au lieu ou l'en a acoustumé d'eslire ledit maistre ; et illec sont esleuz desdiz bouchiers douze des biens souffisans de eulx touz, lesquelz auront povoir d'eslire ledit maistre, et lesquelx quant il seront esleuz, jureront tantost, tout avant que il voisent a l'eslection, que ilz nommeront et esliront a leur escient le plus souffisant de eulx touz a estre maistre. Et cellui que touz les douze esleuz ou la greigneur partie d'iceulx nommeront ou esliront concordablement a estre maistre, soit de eulx, soit du commun, sera tenu, réputé et approprié pour maistre de eulz, de leur mestier et du commun.
3. Item, trois escorchieurs seront esleuz qui feront les semonces, les mémoriaux et les execucions, quant il seront a faire; et croira l'en a leur rapport par leur serement, ou a l'un d'eulx, ausquelx l'en sera tenu d'obéir, comme à clers et sergens jurez dudit mestier.
4. ltem, se aucun est semons par devant ledit maistre et jurez a certaine journée et il ne vient; pour le déffault que il deffaudra, il pourra estre contrains a paier dix-sept soulz six deniers; et tant en pourra demander l'achateur ou le fermier de ladicte juridicion; mais selon ce que les maistres et jurez le verront obéissant, il fausseront pour le premier deffaut douze deniers, et pour second deffault deux solz, pour tiers deffaut dix-sept solz six deniers; et lors li puet le mestier estre deffendu du mestre ou des jurez; et se fait, se il taille, combien qu'il ait chevi a son adversaire, senz empêtrer son mestier dudit maistre ou jurez, il chiet en amende de dix-sept sols VI deniers; et s'il avient qu'il soit trouvé taillant sur deffens, senz chevir a son adversaire, et senz empêtrer son mestier ou congié, il chiet en ladite amende de dix-sept solz six deniers, et puet-on faire prendre toute sa char, combien que elle soit morte, sur son estal, par lesdiz sergens, qui que la char soit, pour ladicte amende, et pour faire satisfacion a partie; et se il advient que il désobéisse ou face resqueusse, et lesdiz sergens se doubtent de greigneur force, il doivent venir au maistre dudit mestier ou aus jurez et empêtrer de leurs compaignons escorcheurs pour eulx aidier; et ne doivent aler se il ne veulent a celle ne a autre execucion lesdiz maistres et jurez, se il ne leur plaist, mais y doivent envoier force de leurs escorcheurs et de leurs gens, qui l'estal dudit contumaux et désobéissant pourront geler jus et abatre a terre; ou se il persévère en son malice, despecier le ou ardoir ou getter en l'eaue, selon le regart du maistre ou des jurez.
5. Item, que de touz les proufliz et emolumens qui ystront ou pourront issir
de la juriclicion desdiz maistre et jurez, soit en deffaux, soit en amendes
ou autrement, le tiers en tournera pardevers et au prouffit dudit maistre; et
les deux pars tourneront au prouffit du commun, a paier le conseil ou autrement,
selon ce que l'en verra que bon soit.
6. Item, ledit maistre ne pourra faire ne recevoir bouchier ne escorcheur senz l'accord et assentement des quatre jurez et d'aucuns des preudeshommes dudit mestier.
7. Item, que les quatre jurez dudit mestier qui seront pris et esleuz chascun an du maistre et du commun, feront toutes les mises et receptes, et recevront touz les exploiz des rentes, des loyers et de touz les emolumens de la juridicion, et en rendront bon compte par leurs seremens, dedens les huitines ou la quinzaine au plus tart de la journée que l'en a acoustumé a asseoir les estaux, au maistre et a six preudeshhommes qui a ce seront esleuz et appeliez, se il ne sont vendues; et se lesdites rentes, loyers ou emoluimens de la juridicion sont vendues, tout aussi en sera tenu l'achateur de faire et en rendre bon compte et loyal par son serement, au jour dessusdit, et n'en pourra ledit fermier emporter l'argent de la recepte du jour de l'assise ne de lendemain; ainçois le baillera aus jurez scellé soubz son scel; lesquelx jurez le porteront et mettront en la huche du mestier.
8. Item, ledit maistre ne fera mise ne recepte par sa main.
9. Item, le maistre et les jurez jurent, quant il sont créez et faiz, que il seront presens en leurs personnes a touz les trois jours que l'en a acoustumé de tenir leurs plaiz, se ilz n'ont grant empeschement; et aideront au maire ou a cellui qui tendra les plaiz, a faire droit de eulz et d'autrui, senz ce que il dient villenie a nulli, ou au moins deulx avec le maistre ou son lieutenant.
10. Item, l'en doit avoir un petit seel ou signet, qui sera tout propre
et perpétuel, a signer toutes les actes ou mémoriaux, et les gagemens
que l'en fera des plaiz et des causes; lequel sera mis en la huche des papiers
ou en une boiste, ou il aura trois clefs, dont l'une sera baillié au
maistre et l'autre au maire, et la tierce a l'un des jurez; et aront les clers
deux deniers de chascun mémorial et gagement escript; et pour le signet
du gagement la partie en paiera deux deniers, lesquelx seront mis avec les exploiz
de la juridicion, et si ne prendra l'en rien de seeller les mémoriaux,
et de chascun serement, soit de tesmoings, soit de partie que l'en fera jurer,
l'en prendra un denier, lequel sera mis avec les exploiz de la juridicion.
11. Item, que s'il qui sera semons a la requeste d'un forain pour denrées vendues en plain marchié, senz jour et senz terme, et il ne vient que son procureur, ledit procureur n'aura point de jour d'avis oudit cas, mais respondra présentement, et se il deffault l'en le gagera tantost, pour le deffault et pour la debte du marchant ; et des autres qui seront semons pour debte ou convenance faite hors de marchié ou en plain marchié, dont terme n'aurez esté donné, seront menez par droit, si comme raison appartient a faire, ne n'entent l'en pas donner terme du samedi au dimenche ou au lundi ou au mardi.
12. Item, que le bouchier qui vendra mauvaise char sera puniz de LX solz d'amende et de foirier huit jours ou XV, selon le regart du maistre et des jurez tant seulement; et son voisin qui l'aura veu, se il ne l'encuse, se il ne puet faire foy souffîsans que riens n'en savoit, foirera aussi selon le regart dessusdit.
13. Item, se la femme de un bouchier demeure après la mort de son mary senz enfans bouchiers, chargiée de denrées mortes, elle les puet vendre et adenerer aussi comme se son mari vesquist, soient pors, buefs, moutons ou lais, senz nulles autres tuer ne achater de nouvel.
14. Item, chascun bouchier ou escorcheurs dui sera semons ou Chastellet ou ailleurs, se fera requerre sur paine de l'amende par son serement.
15. Item, l'assise des estaulz est touteffoiz le vendredi après la Saint Jaque et la saint Christofle, et a celle journée, les quatre jurez qui ont esté en l'année, eslisent quatre preudehommes et iceulz quatre preudeshommes en eslisent quatre pour estre Jurez, et les prennent ou de ceulz qui l'ont esté, ou de eulx mesmes ou d'autres, selon ce que bon leur semble, par leur serement.
16. Item, quand iceulz quatre jurez sont esleuz et faiz, il jurent que bien et loyaument il garderont le mestier aux us et coustumes d'icellui; et se mauvaise coustume y avoit esté alevée, il l'abatront et osteront a leur povoir, et les bonnes garderont.
17. Item, iceulx quatre jurez nouveaux auront tous les estaux en leur main et y asserront les preudeshommes du mestier, selon ce que bien leur semblera, par leur serement.
18. Item, nulle personne ne soit assise a estal, devant que il tout paie le loyer de l'année passée de son estal que il aura tenu; et ne faire euvre de bouchérie, se n'est par le gré du maistre et des jurez, sur paine de perdre les chars.
19. Item, se aucun bouchier ne vient requerre son estal ou autre a la journée
de l'assise, ne n'ait fait gré envers le fermier pour l'année
passée, que l'estal sera baillé au fermier; et fera ledit fermier
son prouffit toute l'année ensuivant, par telle manière que il
en sera tenu au fermier nouvel, pour le loyer de l'année présente;
et ja pour ce ne demourra que cellui qui n'a paié son estal, ne le paie
avant due il face point de son mestier, et l'amendera pour tant que il n'est
venuz requerre son estai, se il n'a loyal esoingne, telle comme le maistre et
les jurez regarderont; et icellui argent qui sera trait dudit bouchier pour
le louage dudit estal, tournera pardevers le prouffit commun. Et tout aussi
d'un bouchier qui trespasseroit de ce ciècle, se gré n'en n'avoit
esté fait, se ainsi n'estoit que aucun bouchier le requeist a qui les
jurez veissent qu'il fust bien mis, il lui pourroient baillier en manière
que il lui agreroit; et paieroit le fermier présent et celui a venir,
et se aucun bouchier trespassé avant l'assise, combien que ce soit, son
estal vient en la main du fermier, et en peut faire son prouffit, se ainsi n'est
que il ait filz bouchier qui le puisse tenir jusques a l'assise par le louyer
paiant.
20. Item, que nul bouchier ne die villenie ne oste gage a personne qui viengne
achater chars en la boucherie, combien que elles soient despeciés, sur
paine de son mestier perdre par un mois ou plus, selon le regart du ministre
et des jurez.
21. Item, que se aucun cope chars, et il n'est bouchier, il soit mis ou
cep et privé du mestier jusques au rappel du maistre et des jurez, se
ainsi n'estoit que il fust filz de bouchier, et seront les chars copées
perdues.
22. Item, se aucun prent femme commune, deffamée, senz le congié
du maistre et des jurez, il sera privé de la grant boucherie a tousjours,
que il ne puisse taillier ne faire taillier, soit à lui ou a autre, sur
les chars perdre; mais il pourra taillier a un des estaux de petit pont, tel
comme le maistre et les jurez lui bailleront ou asserront.
23. Item, nul ne peut estre bouchier de la grant boucherie de Paris, ne faire
fait de bouchier ne de bouchierie, se il n'est filz de boucliier de ycelle boucherie.
24. Item, quant l'en reçoit un enfant a estre bouchier, celui qui le
fait, c'est assavoir le père, ou celui qui en a le bail doit baillier
plaiges avec clues soy due le past et l'abuvrement dudit enfant et toutes les
droictures dui y appartiennent, il fera et paiera ans journées due le
maistre et les jurez lui establiront. Et fust ore chose cjue ledit enfant se
destournast, et se avenoit due ledit enfant alast de vie a lrespassement, il
seroit duittes par les premières droictures fIU; paiées seroient.
25. Item, CJuant l'enfant a esté fait bouchier par la main du père
ou du preudomme dui le fait et dui en paie l'argent, se il se partoit de chiez
ledit père ou preudomme, senz le gré et assentement de eulx, et
aucun de's compaignons le recevoit a son estai ou en autrui, et lui administrast
ou delivrast char a taillier, senz demander congié au preudomme dui l'aroit
fait bouchier, due tantost la char fust prinse de par le maistre et preudesÏLommes
du mestier, et fust donnée pour Dieu, la ou il verroient due bien seroit;
et avec tout ce, due ledit bouchier qui feroit ce mesfait en foirast duinze
jours ou plus, selon le regart du maistre et des jurez.
26. Item, se aucun compaignon du mestier prestoit argent ou autres choses a
aucun bouchier, tant comme il seroit ou bail de cellui qui l'auroit fait bouchier
et il en feist semondre et adjourner pour en estre paie, quue il n'en feust
de riens contrains, jusques a tant due il auroit fait le service de cellui qui
l'auroit fait bouchié, et se il avenoit que ledit compaignon l'en feist
contraindre ailleurs ou feist faire par autre, par fraude ou par aucune manière,
quelle que elle feust et peut estre sceu, due ledit compaignon en foirast quinze
jours ou plus, selon le regart du maistre et des jurez.
27. Item, le prevost de Paris ou le receveur du Roy qui est en Chastellet a,
ou nom du Roy et pour le Roy, de chascun bouchier qui est fait nouvel bouchier,
de l'aboivrement que l'en a accoustumé a faire au commencement quant
il est receu, une maille d'or.
28. Item, le prevost de Paris a dudit aboivrement un sextier de vin et quatre pasteaux de maille a maille, lequel vin et les gasteaux il envoie querre, et en paie son message deux deniers au jugleur [jongleur, ménestrel] du mestier de la salle, quant il emporte ledit sextier de vin et les gasteaux.
29. Item, ledit prevost a en celle année que ledit bouchier est fait, de la droicture du past que ledit bouchier doit, au jour que le maistre et les jurez lui assignent jour du faire, soixante et une livre et un quarteron pesant de char de porc et de buef, et un chapon et un sextier de vin, et quatre gasteaux de maille a maille, et de ce paie son message qui vient querre ledit vin et les gasteaux, deux deniers au jugleur de la salle.
30. Item, le maistre des bouchiers de la grant boucherie de Paris a, de
chacun qui est fait bouchier, un sierge d'une livre de cire a ardoir devant
lui.. et un gastel tout pestri aus oefs a départir a ses compaignons
qui menlguent avecques lui; et quant il s'en vient de la sale, demi sextier
de vin et deux pains. Et c'est ce que le maistre a de l'aboivrement.
31. Item, la maistresse a, d'un bouchier qui est fait nouvel, premierement de
l'aboivrement de chacun mes que l'en menjue, quatre mes; se se sont gelines,
quatre gelines, et de touz les autres niés, de chacun mez, quatre mes,
et douze pains et deux sextiers de vin. C'est ce que la maistresse a de l'aboivrement.
32. Item, le maistre a, celle année que ledit bouchier est fait, de la
droiture du past, trente livres et demie et demi quarteron de char pesant de
porc et de buef, si comme elle est accoustumée a lever, et demi chapon;
et quant le maistre menjue en la salle, il a un cierge d'une livre de cire ardant
devant lui, et un gastel tout pestri a oefs a départir a ses compaignons
qui menjuent avec lui, et douze tourtis de cire, et demi sextier de vin et deux
pains, de chascun bouchier, quant il s'en vient de la salle. C'est ce que le
maistre a de past de chascun bouchier qui est fait nouvel.
33. Item, la maistresse a, en celle année que ledit bouchier est fait,
de la droiture du past, de chacun mes que l'en menjuc, quatre mes, soient gelines
ou autres choses, et de chascun mes aussi, et douze pains et deux sextiers de
vin.
30. Item, le voier de Paris a, d'un bouchier que l'en fait nouvel, premièrement
de l'aboivrement demi sextier de vin et deux gasteaux de maille a maille, lequel
vin et les gasteaux il envoie querre, et en paie son message un denier au jugleur
de la sale.
35. Item, ledit voyer a, en ceste année que ledit bouchier est fait,
de la droicture du past, au jour assigné du faire, trente livres et demie
et demi quarteron pesant de char de porc et de buef, si comme elle est accoustumée
a lever, et demi chapon et demi sextier de vin et deux gasteaux de maille a
maille, lequel vin et les gasteaux il envoie querre, et en paie son message
qui les vient querre, un denier au jugleur de la sale.
36. Item, le prevost du Four l'Evesque a d'un bouchier que l'en fait nouvel,
premièrement de l'aboivrement, demi sextier de vin et deux gasteaux de
maille a maille, lequel vin et les gasteaux il envoie querre, et en paie son
message un denier au jugleur de la sale.
37. Item, ledit prevost du Four l'Evesque a, en celle année due ledit
bouchier est fait, de la droiture du past au jour assigné du faire, trente
livres et demie et demi quarteron pesant de char de porc et de buef, si comme,
elle est accoustumée a lever, et demi chapon et demi sextier de vin et
deux gasteaux de maille a maille, et de ce paie son message qui les vient querre,
un denier au jugleur de la sale.
38. Item, le celerier et le concierge de la court le Boy ont, d'un bouchier
que l'en fait nouvel, premièrement de l'aboivrement, demi sextier de
vin et deux gasteaux de maille a maille, lequel vin et lesquels gasteaux il
envoie querre, et en paie leur message, un denier au jugleur de la sale.
39. Item, lesdiz celerier et concierge ont, en celle année que ledit
bouchier est fait, de la droiture du past au jour assigné d'en faire,
trente livres et demie et demi quarteron pesant de char de porc et de buef,
si comme elle est accoustumée a lever, et demi chapon et demi sextier
de vin, et deux gasteaux de maille à maille, et de ce paie leur message
qui vient querre ices droitures un denier au jugleur de la sale.
40. Item, nul ne puet edifier ne lever boucherie nouvelle, en la ville de Paris
es fobours et appartenances d'icelles, ne faire office de bouchier ne de boucherie
en quelque manière que ce soit, ne tuer ou faire tuer chars crues, en
son hostel ou ailleurs, et puis les vendre a détail, crues ou cuites
ou autrement, en sa maison ou ailleurs, en ladite ville de Paris et appartenences,
en quelque terre ou seigneurie que ce soit, exceptez les bouchiers de la grant
boucherie de Paris, et ceulx des anciennes boucheries qui d'ancienneté
sont et ont esté accoustumé de estre a Paris.
41. Item, se aucun autre que lesdiz bouchiers est trouvé faisant tuer
ou vendant, en son hostel ou ailleurs, lesdites chars crues ou cuites, a détail
ou autrement, les bouchiers de la grant boucherie de Paris les pevent prendre
par leurs gens ou parle prevost de Paris, comme forfaites et icelles justicier
ou faire justicier par le prevost de Paris, comme forfaites, et faire amender
de ceulz qui ce auront fait, a eulx et au prevost de Paris pour le Roy.
42. Item, les bouchiers de la grant boucherie de Paris pevent prendre et acheter
bestes vives et mortes, et quelconques autres choses appartenans a boucherie,
franchement senz paier coustume ne paage dedans la banlieue de Paris, de quelconques
lieu que les denrées viengnent, et en quelconque lieu que elles soient
menées, se en aucun lieu les veulent mener, et semblablement pevent vendre
et achater tout poisson de mer et d'eau douice…..
Datum Parisius, anno Domini millesimo trecentesimo octogesimo primo et regni
nostri primo, mense junii.
© grande-boucherie.chez.tiscali.fr